دفتر نوروز بند یاران آسمان

یاران آسمان پادشام ندیم نه ارض نه نه آسمان

نه گردن جای سرّ نه پرده پنهان نخوف باقی رای یاران نزان

هر چهار کردن شرط شهرای منجّم ازل عالمان رّمال چی سنگ سُم

داود سه محال میل کرد و گفتار بش کر بنیامین تیرانداز رمزبار

یکی وست نه بحر یکی آسمان یکی نروی خاک چهار قرنه جهان

هرکس قانع بی نرای پشک ویش محال بست نه موج کمال تند کیش

رو کردن نسمت هر سه چون عبدال و پی جورشاه یکی یک محال

بنیام نیشت نه چرخ فلک باطن هیزگرد نه هوا پی یاگه ضامن

داود شی نه بحر نقمه غواصی غویط وردند ریاشای شرط راسی

پیرموسی و جخت جلای جهان دو ژیر زمین تمام پرده روژشو

رای شیطان بازار چله خانه سّر کوچه و کوچه فرش زمین درّ

پیداشان نکرد شاه نسه محال وارد بین و هم یاران عبدال

ژنو کردن شور تدبیر رای فن مبو پیدا بو عیار کهن

بنیامین رملی شانا پی استاد پادشاش پیدا کرد نه قفس باد

نه نه زمین بی نه نه آسمان نه تخت باد گرد رای نسمه جهان

عرض کرد و عازیز یار دل آزار بنیامین و شرط پادشاه و اقرار

یه وعده تاریخ قول راسین جای مهلت نین نراد بازین

و سر عازیز ذات پاک تو تاریکی آلان مبو بو ورو

پادشام وات بنیام جاری حق من تاریخ سه جونه ورق من

گرّی مخشوشی و خاطر خواهی سردی گرم مبو باقی و شاهی

نوروز نه نه زمین نه نه آسمان پادشام دیم نه تخت بالای بادبان

یه قاصد واتن نه کان مکان و عهده نوروز دانای هیچ نزان

شمه شاه بیان حُکمش زوردارن ماچان بوانه دور دورِ یارن

برج بارخانش نجا ور کندن پی خلاف گوان وعده نمندن

ارکچم واتن شاه دادن بشم تاجر حجرۀ حاجی بگتشم